Dentist Pediatrik – Këshilla që duhet të mësoni

Çdo prind e di se shëndeti oral i fëmijës së tyre është një pjesë thelbësore në shëndetin e tyre të përgjithshëm. Megjithëse, ndoshta nuk keni vizituar ende një dentist me fëmijën tuaj. Megjithatë, ju mund të jeni ende të paqartë për disa nga shqetësimet thelbësore në lidhje me stomatologjinë pediatrike.

Për këtë arsye, ne kemi vendosur të shkruajmë këtë artikull për t'ju ofruar më shumë informacion, si dhe për t'ju informuar për gjërat më themelore që duhet të dini rreth stomatologjisë pediatrike si dhe mënyrën më të mirë për t'u përgatitur për një vizitë. Vazhdoni të lexoni dhe zbuloni se çfarë duhet të dini për një dentist pediatrik në Tiranë, Shqipëri.

Çfarë është Stomatologjia Pediatrike?

Stomatologjia Pediatrike është një fushë e specializuar e stomatologjisë e cila fokusohet në trajtimin e fëmijëve. Ajo përfshin një dentist pediatrik i cili i është përkushtuar shëndetit oral të fëmijëve nga foshnjëria deri në adoleshencë. Stomatologu pediatrik, i cili njihet edhe si periodontist, është pjesa e stomatologëve që i është përkushtuar kësaj fushe dhe trajnimi shtesë i nevojshëm për ofrimin e kujdesit parësor dhe gjithëpërfshirës duhet të kryhet për fëmijët dhe adoleshentët.

• Stomatologjia pediatrike përfshin kujdesin e mishrave të dhëmbëve, dhëmbëve dhe gojës së fëmijës në faza të ndryshme të fëmijërisë.
• Fëmijëve u dalin dhëmbët e rinj në 6 muajt e parë të jetës dhe në moshën 6-7 vjeç fillojnë të humbasin grupin e parë të dhëmbëve, të cilët zëvendësohen përfundimisht me dhëmbë dytësorë ose të përhershëm.

Si pasojë e zakoneve të ndryshme të të ngrënit dhe mungesës së higjienës orale, një fëmijë përjeton karies oral që mund të shkaktojë dhimbje, parehati dhe komplikime gjatë gjithë jetës së tij, diçka për të cilën kujdeset stomatologjia pediatrike.

Një Dentist i Përgjithshëm nuk është i Njëjtë me një Dentist Pediatrik

Ju ende nuk e dini ndryshimin midis një dentisti pediatrik dhe një dentisti të përgjithshëm ose të quajtur ndryshe një dentist "familjar"? Është e thjeshtë të kuptosh ndryshimin midis këtyre dyve. Stomatologu pediatrik është i specializuar në trajtimin e problemeve dentare të një fëmije, ndërsa përkundrazi një dentist familjar dhe i përgjithshëm trajton pacientë të të gjitha moshave. 

Stomatologjia pediatrike është e ndryshme nga mjekësia dentare ose kirurgjia dentare. Një dentist pediatrik plotëson 2 – 3 vjet studime ndërsa një dentist i përgjithshëm plotëson 4 vjet studime. Shkollimi i gjerë i jep mundësinë dentistit pediatrik të fitojë njohuri të mëtejshme në zhvillimin oral, operacionet orale specifike për fëmijë, ortodoncinë për fëmijë, psikologjinë si dhe zhvillimin mendor.

Fëmijëve u Dalin të Gjitha Dhëmbët e Foshnjës në Moshën 2-3 Vjeçare dhe i Humbasin ato në Moshën 12-13 Vjeçare

Dhëmbi i parë i fëmijës suaj do të dalë para ditëlindjes së tij të parë. Megjithathë, në moshën 2 ose 3 vjeçare, fëmija juaj do të zhvillojë të gjithë 20 dhëmbët e qumështit. Si rezultat, fëmija juaj do të jetë në gjendje të hajë dhe të përtypë si i rritur.

Megjithatë, kjo nuk do të zgjasë për një periudhë të gjatë kohore dhe kjo ndodh për shkak se fëmijët zakonisht fillojnë të humbasin dhëmbët e përparmë në moshën rreth 5 ose 6 vjeçare. Në momentin që një dhëmb qumështi bie, ai zëvendësohet me një dhëmb të rritur. Në fund, dhëmbët e pasmë janë dhëmbët e fundit të qumështit që zëvendësohen. Zakonisht, dhëmballët e pasmë nuk bien derisa fëmija juaj të arrijë në moshën rreth 12 ose 13 vjeçare.

Fëmija juaj Duhet të Fillojë të Vizitojë Dentistin Pediatër më Herët se sa Mund të Mendoni

Ju mund të mendoni se fëmija juaj duhet të vizitojë një dentist pediatrik vetëm në momentin që ai të nxjerrë të gjithë dhëmbët ose të ketë ndonjë shqetësim në gojë. Megjithatë, ju rekomandojmë që të filloni të vizitoni dentistin shumë më herët se kjo periudhë. 

Çfarë nënkuptojmë kur themi shumë më herët? Sugjerohet që ta sillni fëmijën tuaj te dentisti kur i del dhëmbi i parë i fëmijërisë ose nëse një dhëmb nuk ka dalë ende, kur fëmija juaj mbush një vjeç. Cilado që të ndodhë e para, rekomandohet që në atë kohë të vizitoni një dentist pediatrik.

Në momentin që vizitoni një dentist në një nga ato situata, fëmija juaj do të jetë më familjar me procesin e vizitës tek dentisti dhe në të njëjtën kohë ju do të identifikoni herët çdo çështje të mundshme të shëndetit oral ose problemeve që zhvillohen dhe i zbulohen fëmijës suaj.

Përzgjedhja e një Klinike Dentare është Vendimtare për Shëndetin Dentar të Fëmijës suaj

Një klinikë pediatrike e krijuar është vendi ku ju mund ta çoni fëmijën tuaj me besim dhe të merrni çdo trajtim të përgjithshëm ose parandalues të kujdesit dentar derisa fëmija juaj të rritet dhe të plaket.

Përzgjedhja e një klinike dentare pediatrike ka përfitime të shumta për fëmijën tuaj. Në radhë të parë, fëmija juaj do të jetë në gjendje të zhvillojë një marrëdhënie të besueshme me stafin dhe dentistët dhe kjo do të thotë se ata do të ndihen më rehat dhe më të sigurt gjatë procedurave të tyre dentare.

Për më tepër, dentisti pediatrik do të ndjekë shëndetin e dhëmbëve të fëmijës në mënyrë më efikase, si dhe do të ofrojë trajtime të personalizuara të kujdesit dentar që do të parandalojnë çdo problem në të ardhmen dhe do t'i sigurojë atij një buzëqeshje të fortë dhe të shëndetshme. Përvep kësaj, do të keni mundësinë të kurseni kohë dhe para, pasi do të parandaloni çdo gjendje të zakonshme shëndetësore dentare, si: prishjen e dhëmbëve, me një vizitë rutinë te dentisti pediatër.

Një Fëmijë Duhet të Njeki një Konsultë Ortodontike Gjatë Moshës 7 Vjeçare

Mund të duket një moshë e hershme për të bërë një konsultë ortodontike, por është një ide e shkëlqyeshme të vizitoni një dentist pediatër në Shqipëri për të përfunduar një vlerësim ortodontik të fëmijës tuaj deri në moshën 7 vjeçare. Kjo është zakonisht mosha që një fëmijë do të fillojë të humbas dhëmbët e qumështit dhe fillon të ndjejë praninë e dhëmbëve të të rriturve.

Nëse dentisti i përgjithshëm ose pediatër vihet në dijeni të një gjendjeje të mundshme me kafshimin ose buzëqeshjen e fëmijës suaj para kohe, ai do t'ju sugjerojë hapa dhe këshilla të përshtatshme që do të ndihmojnë në përmirësimin e zhvillimit oral të fëmijës si dhe do të minimizojnë nevojat për kryerjen e një trajtimi shtesë ortodontik ose dentar në të ardhmen e re. 

Si ta Përgatisni Fëmijën tuaj për Vizitën e Parë me Një Dentist Pediatër?

Përpara se të bëni vizitën tuaj të parë tek dentisti pediatrik ose i përgjithshëm, përgatiteni fëmijën tuaj me fjalë të thjeshta dhe pa shumë detaje. Ju mund t'i tregoni fëmijës tuaj se dentisti do t'i matë dhëmbët dhe do të shohë nëse janë mjaft të pastër. 

Shmangni çdo shprehje të mëtejshme si "mos kini frikë" ose "nuk do të dëmtojë", sepse kjo vetëm shkakton shqetësim për fëmijën tuaj. Do të ndihmonte shumë leximi i përrallave dhe librave për dentistin përpara vizitës.  

Keni Nevojë për një Dentist në Shqipëri që të Kujdeset për Problemet e Fëmijës suaj? Ne Jemi Këtu për Ju!

Klinika jonë dentare ofron trajtime pediatrike të kujdesshme, të sigurta, me përvojë dhe profesionalizëm në Tiranë, Shqipëri. Nëse keni nevojë të bëni pyetje ose të caktoni një takim me stafin tonë, na kontaktoni nëpërmjet numrit tonë të telefonit ose emailit.